»
»
Barish Shayari

Barish Shayari

Barish Shayari section of this site is a very beautiful concept to share the beauty of thought. So don't waste your beautiful thoughts but share your Barish Shayari with us so that world can see your thinking and truly in your way. We provide a platform where you can share your barish shayari with world and we encourage all types of poetry in different languages like Urdu Barish Shayari, Hindi Barish Shayari etc. So, what are you waiting for, Just start posting your Barish Shayari. If you like any barish shayari you can send it to your friends. Also don't forget to rate these shayaris.

loading...
Kash meri zindegi mein
Kash meri zindegi mein

Kash meri zindegi mein aaye ek aisi barsaat
Mere hath mein ho tera hath
Bheegte rahein hum saari raat
Honth rahe khamosh
Bas aankhon se ho teri meri baat

Hain ek barish ke roop kitne
Hain ek barish ke roop kitne

Hain ek barish ke roop kitne
Wohi hai badil, wohi ghata hai
Ye raaz kya hai
Tamaam qatre zameen par ek saath aa kar girte hain
Phir bhi sab ek se nahin hain
Ke jaise naghma, bohat se saazon se mil ke banta hai
Aur phir bhi
Tamaam saazon ka apna apna alag tashakhuss hai
Jaise pairon ke sabz patte
Ke sabz ho ke bhi apni rangat ke ek ek hisse mein
Saare patton se mukhtalif hain
Kabhi jo barish ki rutt mein main aankhon ko band kar ke
Main sirf us ki nirali sadyein sunta
Aur un mein bante tarha tarha ke suron ko chunta hoon.

Is barish mein
Is barish mein

Is barish mein mujhe tera pyar bhi
Kachchi mitti ki maanind laga
Ke jaise chand lamhon ki inayaton ke baad
Zameen ko sara saal pyasa rehna hai.

Barishon ka mausam hai
Barishon ka mausam hai

Barishon ka mausam hai
Rooh ki fizaaon mein
Ghamzada hawaaein hain
Be-sabab udaasi hai
Is ajeeb mausam mein
Be-qarar raaton ki
Be-shumaar baatein hain
Un-ginat fasane hain
Jo bohat khamoshi se
Dil pe sehte phirte hain
Aur ba-amer-e-majboori
Sab se kehte phirte hain
Aaj mausam achcha hai
Aaj hum bohat khush hain.

Mausam tha beqarar
Mausam tha beqarar

Mausam tha beqarar tumhein sochate rahe
Kul raat bar bar tumhein sochate rahe
Baarish hui to lag kar ghar ke dareeche se hum
Chup chap beqarar tumhein sochate rahe.


Aaj bohat din baad
Aaj bohat din baad

Aaj bohat din baad suni hai barish ki aawaz
Aaj bohat din baad kisi manzar ne rasta roka hai
Rim jhim ka malboos pahan kar yaad kisi ki aayi hai
Aaj bohat din baad achanak aankh yun hi bhar aayi hai
Aankh aur manzar ki vusa't mein chaaron janib barish hai
Aur barish mein door kahin ik ghar hai jis mein
Ek ek eent par tere mere khwab likhe hain
Aur is ghar ko jane wali kuchh guliyan hain
Jis mein hum dono ke saaye tanha tanha bheeg rahe hain
Darwaze par qufl para hai or dareeche soone hain
Deewaron pe jami hui kaai mein chhup kar
Mausam hum ko dekh rahe hain

Kitne badal hum dono ki aankh se ojhal
Baras baras kar guzar chuke hain
Ek kami si ek nami si
Charon janib phail rahi hai
Kai zamane ek hi pal mein
Baham mil kar bheeg rahe hain
Andar yadein sookh rahi hain
Bahar manzar bheeg rahe hain.

Barish ki ye pehli boondein
Barish ki ye pehli boondein

Barish ki ye pehli boondein
Kaisa jadu karti hain
Dil se khoon ke katre le kar
Meri ankhein bharti hain
Barish ke is dibache se
Kitne manzar khulte hain
Khwab sa alum, lehja madham,
Aankhein nam nam, bheega mausam,
Pehli barish, pehli khwahish,
Pehla jazba, pehla waada,
Pehli khushbu, pehla aansoo,
Chup chup rehna
Soch mein parna
Jo bhi kehna tashna kehna
Toota fuqra, aadha jumlaa,
Jalti sansein, thandi aahian,
Bojhal palkain, saahir aankhein,
Dhani jora, sabz dupatta,
Lambe gaisoo, qatil khushboo,
Ik pehar mein
Ik jag beeta
Maine tera bazoo thama
Wasal ki is pehli barish mein
Kya kuchh khoya, kya kuchh paya
Barish ki ye pehli boondein
Kaisa jadu karti hain.

Kisi din tez barish mein
Kisi din tez barish mein

Kisi din tez barish mein
Agar tum bheeg jao to
Agar barish ke ye qatre
Tumhari zulf ko chhu kar
Tumhare gaalon ko chumein
Agar barish ke pani se
Agar thandi hawaon se
Kisi purzor jhonke se
Meri jaan jhoom jao to
Mujhe tum yaad kar lena
Agar khwahish ho aise mein
Koi sathi ho bahon mein
Jo chhere zulf ko teri
Tere rukhsar ko choome
Tu jhoome us ki bahon mein
Teri bahon mein woh jhoome
Mujhe tum yaad kar lena...
Mujhe tum yaad kar lena...



First Previous 1 2 3 4 5   .  .  . 5 Next Last