»
»
»
Meri taswir mein

Meri taswir mein

Meri taswir mein rang aur kisi ka to nahi,
Gher len mujhko sab aa ke main tamasha to nahi.

Zindagi tujhse har ek sans pe samajhuta karun,
Shauq jine ka hai mujhko magar itaa to nahi.

Rooh ko dard mila dard ko ankhen na mili,
Tujhko mahsus kiya hai tujhe dekha to nahi.

Sochte sochte dil dubne lagta hai mera,
Zahan ki tah main 'Muzaffar' koi dariya to nahi.

Zakhm-e-tanhai main khushbu-e-hina kis ki thi,
Saya diwar pe mera tha sada kis ki thi.

Uski raftar se lipti rahi meri ankhen,
Us ne mur kar bhi na dekha k wafa kis ki thi.

Waqt ki tarah dabe panw ye kaun aya hai,
Main andhera jise samjha wo qaba kis ki thi.

Ansuon se hi sahi bhar gaya daman mera,
Hath to main ne uthaye the dua kis ki thi.

Meri ahon ki zaban koi samajhta kaise,
Zindagi itni dukhi mere siwa kis ki thi.

Aag se dosti us ki thi jala ghar mera,
Di gai kis ko saza aur khata kis ki thi.

Main ne binaiyan bo kar bhi andhere kate,
Kis k bas main thi zamin abr-o-hawa kis ki thi.

Chor di kis liye tu ne "Muzaffar" duniya,
Justaju si tujhe har waqt bata kis ki thi.




More Sad Shayari

Ab aansun ko

Ab aansun ko aankhon main sajana hoga,
Chiraag bujh gaye khud ko jalaana hoga.

Na samjhna ke tumse bichad ke khush hain,
Hamain logon ki khaatir muskuraana hoga.

Phir shaam dhal gai tum aaye na aaj bhi,
Dil ko aaj phir ummeedon se behlaana hoga.

Waada khilaafi kar ke muskurate ho aap,
Dekhna ek din sanam aapko pachtaana hoga.

Lahoo se apne kafan pe tera naam likh jaunga,
Thaam ke haath main phool tumko aana hoga.

Abhi se na keejiye takaaz-e-masrufiyat ka bahana,
Abhi utthna hai janaza kaandha to daina hoga.

Muddaton kiya hai tera intizaar aap ka humnay,
Umr kat chuki hai ab to hamay jaana hoga.

Phoolon ke daaman

Phoolon ke daaman main chupe hote hain kaante,
Muskurahat jaane kitni saazishon ko hai chupaye.
Dost ban kar daga deta aaya hai yeh zamana,
Door bohot door ab humko hai jaana.

Sheeshe ko bhala pathar hum banaye bhi kaise,
Aankhon main utre dard ko chupaye bhi kaise.
Mushkil hai ek pal marna ek pal jiye jaana,
Door bohot door ab humko hai jaana.

Rooh tak utri hai jo najaane kaisi yeh thakan hai,
Koi nahin apna har shakhs khud main magan hai.
Laut kar wapis jahan se na kabhi hai aana,
Door bohot door ab humko hai jaana.

Woh ek des titliyon ka woh taaron ki ek nagri,
Ab tak jise chup chup kar dekha kiya humne.
Khwabon ki us nagri se pariyon ko hai aana,
Door bohot door ab humko hai jaana.

Dard bhara nagma hoon

Dard bhara nagma hoon mujhe na gungunana tum,
Tuta hua khaab hoon main mujhe bhool jana tum.

Dard ki manind mujhe dil main chhupa lena tum,
Aansuon ki tarha mujhe aankh se na bahana tum.

Yeh zakham mere paas tere pyar ki nishani hai,
Bhool kar bhi in par na marham lagana tum.

Jab kabhi tum tanha ho or meri yaad stati ho,
Bewafa hoon main yahi apne dil ko samjhana tum.

Mera kaya hai ik roz jaha se rukhsat ho jaounga,
Mere baad na aankho se moti bahana tum.

Tere bina jinda laash hoon mujhe koi ehsaas nahi,
Chhukar mere jism ko koi nayi aas na jagana tum,

Jo khushi sapne or umeedain dee thi tum ne,
Kasam tumhe unki unko bhee saath le jana tum.

Tere ghar ke deepak main jal raha hai mera wajood,
Bhool ke bhi na samjhna mujhe begana tum.

Mai ek kanto bhare gulaab kay siwa kuch bhee nahi,
Mujhe bhool kar bhee seene say na lagana tum.

Show More Sad Shayari





Shayari Categories