»
»
»
Shikwe bhi hazaron hain

Shikwe bhi hazaron hain

Shikwe bhi hazaron hain shikayat bhi bohat hain,
Is dil ko magar us se mohabbat bhi bohat hai.

Aa jata hai milne wo tasavvur mein hamare,
Ek shakhs ki itni si inayat bhi bohat hai.

Yeh bhi hai tamanna k usey dil sey bhola dein,
Is dil ko magar uski zaroorat bhi bohat hai.

Dekhein tou zara pee ke hun zehr-e-mohabbat,
Sunte hain k is zehr mein lazzat bhi bohat hai.




More Romantic Shayari

Kuch tumne kaha jo baaton baaton main

Kuch tumne kaha jo baaton baaton main,
Bekaraar dil ko sukoon aaya hai abhi abhi.

Is dil mai ek phool khila hai abhi abhi,
Mujhko tera payaam mila hai abhi abhi.

Kis roshni se jagmaga raha hai ghar mera,
Ummeed ka chirag jala hai abhi abhi.

Khilti hui kali ne mujhe di hai yeh khabar,
Dil ka haseen raaj khula hai abhi abhi.


Rahon mai mere phool bichaye bahaar ne,
Yun koi mere saath chala hai abhi abhi.

Aaya hai chaand aasmaan se dil mai utar ke,
Ankhon main tere pyaar paya hai abhi abhi.

Tum mai apni duniya dekhi hai is dil ne,
Ki bahut dino mai sukoon paya hai abhi abhi.

Haatheli par jise

Haatheli par jise likhti mitati ho
Woh naam mera hi to hai
Mehndi jiske naam ki rachai hai tune,
Woh naam mera hi to hai.

Sunke jisko palke teri jhuk jaati hai,
Woh naam mera hi to hai.
Dil pe tere jo naam likha hai,
Woh naam mera hi to hai.

Tere honthon pe jo kaanp raha hai,
Woh naam mera hi to hai.
Dhadkan mein jo teri gunj raha hai,
Woh naam mera hi to hai.

Apna naam jisse joda hai tune,
Woh naam mera hi to hai.
Tere naam ke bina jo adhura hai,
Woh naam mera hi to hai.

Meri duaa hai ke

Meri duaa hai ke khush raho tum,
Mile na koi gum jaha bhi raho tum.

Samundar ki tarha dil hai gehra tumhara,
Khushiyon se bhara rahe daman tumhara.

Tum jo kaho woh har khawaish puri ho tumhari,
Khuda se bhi bus yahi dua hai humari.

Tohfa kya doon tumhe duaao ke siwa,
Ke khuda humesha rahe razi tumse sada.

Show More Romantic Shayari





Shayari Categories