»
»
»
Ek baar le chalo

Ek baar le chalo

Uski gali mein phir mujhe ek baar le chalo
Majboor kar ke mujhe mere yaar ley chalo
Shayed yeh mera vehm ho, mera khayal ho
Mumkin hai us ko mere baad, mera malal ho
Pachta raha ho ab mujhe, dar sa utha ke woh
Baitha ho meri raah mein, aankhain biccha ke woh
Us ne bhi to kiya tha mujhe pyar, le chalo...
Uski gali mein phir mujhe ek baar le chalo...
Deewana keh ke logon ne har baat taal di
Duniya ne mere paaon mein zanjeer daal di
Chaho jo tum to mera muqaddar sanwar do
Yaaron yeh merey paaon ki bedi utar do
Us ne kiya hai milne ka iqrar, ley chalo..




More Sad Shayari

Meri tasveer main

Meri tasveer main rang aur kisi ka to nahi,
Gher len mujhko sab aake main tamasha to nahi.

Zindagi tujhse har ik saans pe samajhuta karun,
Shauq jine ka hai mujhko magar itaa to nahi.

Rooh ko dard mila dard ko ankhen na mili,
Tujhko mahsus kiya hai tujhe dekha to nahi.

Sochte sochte dil dubne lagta hai mera,
Zahan ki tah main 'Muzaffar' koi dariya to nahi.

Zakhm-e-tanhai mein khushbu-e-hina kis ki thi,
Saya deewar pe mera tha sada kis ki thi.

Uski raftar se lipti rahi meri ankhen,
Us ne mar kar bhi na dekha ke wafa kis ki thi.

Waqt ki tarah dabe paon ye kaun aya hai,
Main andhera jise samjha wo qaba kis ki thi.

Ansuon se hi sahi bhar gaya daman mera,
Hath to maine uthaye the dua kis ki thi.

Meri ahon ki zaban koi samajhta kaise,
Zindagi itni dukhi mere siwa kis ki thi.

Ag se dosti us ki thi jala ghar mera,
Dee gayee kis ko saza aur khata kis ki thi.

Maine binaiyan bo kar bhi andhere kate,
Kis ke bas main thi zamin abr-o-hawa kis ki thi.

Chhod di kis liye tu ne "Muzaffar" duniya,
Justaju si tujhe har waqt bata kis ki thi.

Tune chaha hi nahi

Tune chaha hi nahi haalaat badal sakte the,
Mere ansoo tere ankhon se nikal sakte the.
Tum to thare hi rahe jheel ke pani ki taraha,
Sagar bante to bahut dur nikal sakte the.

Hansi dekh ke meri

Hansi dekh ke meri sab mehfil main muskura diye,
Tumne pad liye shayad gham jo mere paas aa gaye.
Baahon main bhar k poochha jab tumne,
Kucch na bole hum bas muskura diye.

Jaana tha aaj tumhe humse door hamesha ke liye,
Jaate jaate tere chehre se ashq chura liye.
Saj ke beithi thi tu apne mehboob ke aagosh main,
Saare armaan apne ishq ki aag main jala diye.

Kucch na socha kabhi maine kucch na chaha tha tere siwa,
Keh na paaya dil kii baat shayad thi ye meri khata.
Kash main izhaar kar deta apni mohabbat ka,
To anjaam e- Ishq main na milti ye saza.

Jaana hai kal subah tumhe sab naaton ko tod kar,
Is baat ne mere ashq thay baha diye.
Dekhi thi maine shikan tere chehre par bhi,
Mere aasuon ne sitam tujhpe bhi dha diye.

Tune poochha jab hale dil de ke apni kasam,
Raaz sare is dil ke thay tujhe bata diye.
Palkein bheegi huyi lab khamosh thay,
Teri khamoshi ne mujhe saare jawab bata diye.

Saj chuki thi par doli teri,
Hum dono ne apne gham chhupa liye.
Sab roye thay teri vidaayi main,
Dekha jab tune mujhe toh hum muskura diye.

Show More Sad Shayari





Shayari Categories