»
»
»
Aansu jab bhi

Aansu jab bhi

Aansu jab bhi palko se beh kar aate hai,
Kyaa batlaaye, aap hume kitnaa yaad aate hai....
Aaj bhi patthar bankar khade hai usee mod par,
Tumne jahaa chodaa thaa keh kar, ruko hum aate hai...

Yaad hai ab bhi hume, tere bichadne ka samaa,
Ruk gaye they ek pal ko ye zameen-o-aasma,
Raasto se mit na paaye, tere kadmo ke nisha,
Aaj bhi hum raaho pe palko ko bichaate hai,
Kyaa batlaaye aap hume kitnaa yaad aate hai....

Meri aankho me nami zulfo ki barsaato ki hai,
Meri saanso me mehak guzri hui raato ki hai,
Mere hoto pe chamak, ab bhi teri baato ki hai,
Jitnaa unko bhulaana chaahe, aur bhi yaad aate hai
Kyaa batlaaye aap hume kitnaa yaad aate hai....

Tu nahi to kyaa huaa, parchaai teri mil gayi,
Dil ke viraane me jaise ek kali si khil gayi,
Raasteki dhoop jaise chandni me dhal gayi,
Tere aanchal ke saaye baadal banke lehraate hai,
Kyaa batlaaye aap hume kitnaa yaad aate hai....

Aansu jab bhi palko se behkar aate hai,
Kyaa batlaaye aap hume kitnaa yaad aate hai....
Aaj bhi patthar bankar khade hai usee mod par,
Tumne jahaa chodaa thaa kehkar, ruko..........




More Sad Shayari

Mujhe yaad kijiye

Kabhi subah se kabhi sehar se pyaar karti thi,
Muddate hui ek shama yaha jalaa karti thi...

Kyaa baat hui ki aaj sare-shaam band ho gayi,
Ek khidkee jo kabhi subah tak khulaa karti thi...

Simat-ta hai dil kyu ab ki baar is toofan me,
Garajte they baadal,bijli pehle bhi giraa karti thi...

Kuch qasoor-e-kismat ka hai varnaa,
Naa-umeedi is dil se door hi rahaa karti thi...

Khataa meri hai jo duniyaa se dil lagaa baithe,
Ye kambaqht zindagi pehle kab kisise wafaa karti hai...

Hum kaash ye keh sakte "Mujhe yaad kijiye",
Kabhi meri yaad jinki dhadkan hua karti thi...

Dekho aaj hum un ki duniyaa me shaamil hi nahi,
Jin ki duniya kabhi humse huaa karti thi....

khushi tak sah na sakoge

Chaah kar bhi judaa rah na sakoge...
Ruth kar bhi khafaa reh na sakoge...
Meri aadat ho jaayegi kuch is tarah aapko,
Gum to door... bin mere khushi tak sah na sakoge.

yaad dila diya

Badi kosis ke baad maine use bhula diya..
Uski yaadon ko dil se mita diya...
Phir ek din uska paigam aaya..
Likha tha...mujhe bhool jao..
Aur mujhe bhoola hua har lamha yaad dila diya...

Show More Sad Shayari






Shayari Categories