»
»
»
Aaj phir maine ek khwaab dekha hai

Aaj phir maine ek khwaab dekha hai

Aaj phir maine ek khwaab dekha hai,
Aur us me hansta chehra tumhara dekha hai.

Us khwaab me mere sath thi tum,
Aur tumhe maine be naqaab dekha hai.

Jab sath tumhare chalta tha main
Sub logon ko pareshan dekha hai.

Jab aankh khuli to saamne kuch bhi nahi tha,
Main samajh gaya maine phir mazak dekha hai.




More Sad Shayari

Apna hissa shumar karti thi

Apna hissa shumar karti thi,
Mujhse woh itna pyar karti thi.

Woh banati thi meri tasweerein,
Un se baatein hazaar karti thi.

Mera dukh b khaloos-e-niyyat se,
Apne dukh mai shumaar karti thi.

Sach samajhati thi jhoot bhi mera,
Yoon woh mera aitabar karti thi.

Pehle rakhti thi phool raste mein,
Phir woh mera intazar karti thi.

Aaj pehlu mai wo nahi mere,
Jaan jo mujh pe nisaar karti thi.

Main umr ke raste mein

Main umr ke raste mein chup chaap bikhar jaata,
Ik din bhi agar apni tanhaai se darr jaataa.

Main tark-e-taaluq par zindah hoon so mujrim hoon,
Kash us ke liye jeeta apne liye mar jaataa.

Us raat koi khushboo qurbat mein naheen jaagi,
Main warna sanwar jaataa aur woh bhi nikhar jaataa.

Us jaan-e-takallum ko tum mujh se to milwate,
Taskheer na kar pata hairan to kar jaataa.

Kal samne manzil thi peechhe meri awazain,
Chalta to bichhad jata rukta to safar jata.

Main shehar ki raunak mein gum ho ke bohat khush tha,
Ik shaam bachaa letaa ik roz to ghar jata.

Mehroom fazaon mein mayoos nazaron mein,
Tum AZM nahin thehre mein kaise thahar jata.

AZM BEHZAD

Likhu Kuch Aaj

Likhu kuch aaj, ye waqt ka takaza hai,
Dil mein dard abhi to taaza hai,
Gir padte hai aansu mere kagaz par,
Lagta hai kalam mein syahi kam aur dil mein teri yaad jyada hai.

Show More Sad Shayari






Shayari Categories