»
»
»
Benaam sa ye dard

Benaam sa ye dard

Benaam sa ye dard, thahar kyon nahi jata,
Jo beet gaya hai, woh guzar kyon nahi jata.

Sab kuch to hai, kya dhundhati rehti hain nigaahein,
Kya baat hai, mai waqt pe ghar kyon nahi jata.

Woh ek hi chera toh nahi saare jahan mein
Jo door hai woh dil se utar kyon nahi jata

Main apni hi uljhi hui rahon ka tamasha,
Jate hain jidhar sab main udhar kyon nahi jata.

Woh naam jo na jane kab se, na chehra na badan hai,
Woh khawaab agar hai to bikhar kyon nahi jata.




More Sad Shayari

Kuch na kuch to

Kuch na kuch to zaroor hona hai,
Samna un se aaj jo hona hai.

Zindagi aur maut ka matlab,
Tumko pana hai, tumko khona hai.

Itna darna bhi kya hai duniya se,
Jo bhi hona hai woh to hona hai.

Uthke mehfil se mat chale jana,
Tumse roshan yeh kona kona hai.

Todo phenko rakho karo kuch bhi,
Dil hamara hai kya khilona hai.

Aankhon pe aasoon ki

Aankhon pe aasoon ki lakir ban gai,
Kabhi na socha tha aisi takdir ban gai,
Humne to phirai thi ret mein ungliyan,
Gaur se dekha to tumhari tasveer ban gai.

Suna hai nazar milaane se

Suna hai nazar milaane se badi takleef hoti hai,
Suna hai dil lagane se badi takleef hoti hai,
Yoon to haal pe mere muskurate hai sabhi,
Par tere muskarane se badi takleef hoti hai.

Show More Sad Shayari





Shayari Categories