»
»
»
Koi khaas nahin

Koi khaas nahin

Koi tumse poochhe kaun hoon main,
Keh dena koi khaas nahin,

Ek dost hai kachcha pakka sa,
Ek jhoot hai aadha sachcha sa,
Jazbaat ko dhake ek parda bas,
Ek bahana hai achcha achcha sa.

Jeevan ka ek aisa saathi hai,
Jo paas ho kar bhi paas nahin,
Koi tumse poochhe kaun hoon main,
Keh dena koi khaas nahin.

Hawa ka ek suhana jhonka hai,
Kabhi nazuk to kabhi toofan sa,
Shakl dekh kar jo nazrein jhuka le,
Kabhi apna to kabhi begana sa.

Zindagi ka ek aisa humsafar,
Jo samandar hai, par dil ki pyaas nahin,
Koi tumse poochhe kaun hoon main,
Keh dena koi khaas nahin.

Ek saathi jo ankahee kuch batein keh jaata hai,
Yadon me jiska ek dhundla chehra reh jaata hai,
Yun to uske na hone ka kuch gham nahin,
Par kabhi kabhi ankhon se aansu ban ke beh jaata hai.

Yun rehta to mere tasavvur me hi,
Par in ankhon ko uski talash nahin,
Koi tumse pooche kaun hoon main,
Keh dena koi khaas nahin.




More Romantic Shayari

Aaj bhari mehfil mein

Aaj bhari mehfil mein wo kuchh sharmaye se baithe hain,
Apne hathon me mera dil dabaye baithe hain,
Unse poochha jo ki kya chhupa rahe ho in haton mein,
To bahana bana diya ki kuchh nahi mehndi lagaye baithe hain.

Kisne kahaa ki Judaai hogi

Kisne kahaa ki Judaai hogi,
Kisi gaiir ne ye khabar udaai hogi,
Badi shaan se rahenge aapke Dil mein,
Iitne Dino mein kuch to jagah banaai hogi....

Dil se dil ka jab

Dil se dil ka jab salaam hota hai,
Faslon ka wahan kya kaam hota hai,
Khuda bhi sajda uska karta hai,
Sanam par jo kurbaan hota hai.

Show More Romantic Shayari





Shayari Categories