»
»
»
Aate ho tum barsaat mein

Aate ho tum barsaat mein

Aate ho tum barsaat mein,
Deewani mujhe banate ho.
Mere bheege badan ko dekh kar,
Sharaarat se muskurate ho.

Kapkapate is jism ko,
Apni bahon ka anchal udhate ho.
Dhadakate hue humare dil ko,
Apni baaton se sehlate ho.

Jalti hai man mein ek jawala,
Jisko samajh khoob tum jaate ho.
Band kar le jo hum apni ankhein,
Bas humein hi dekhe jaate ho.

Chum kar matha humara,
Sir per rakh hath, seene se lagate ho.
Sayam apne se, apna maan badate ho.
Aate ho tum barsaat mein, deewani mujhe banate ho.


Show More Barish Shayari





Shayari Categories