»
»
»
Kisi roz barish mein

Kisi roz barish mein

Kisi roz barish mein ghar se nikalna,
Khizaan mein gire tute patton pe chalna,
Tapakne lage jab darakhton se pani,
Tumhein yaad ayegi beeti kahani,
Ke jab hum kisi shaam tum se mile the,
Mohabbat ke raston pe hum tum chale the,
Teri neeli aankhon mein rang-e-wafa tha,
Kanwal jheel mein jaise khilne laga tha,
Woh sadiyon ke kisse wo batein purani,
Karein yaad kyon kar woh beeti kahani,
Chita kaghzon ki hai kya khojte ho,
Bujhi raakh mein ab kise dhoondhte ho,
Gagan pe jo chhapai thi kis ne mita di,
Dhanak saat ranghon ki kis ne udaa di,
Mohabbat ki shama jala di bujha di,
Ajab ek kahani hai rang-e-wafa ki.




More Barish Shayari

Barishon ke mosam mein

Barishon ke mosam mein,
Tum ko yaad karney ki,
Aadatien purani hain!....,
Ab ki bar socha hai,
Aadatien badal dalein,
Phir khayal aaya ke ,
Aadatein badalne se,
Barishein nahin rukti.

Aaj halki halki baarish hai

Aaj halki halki baarish hai,
Aaj sard hawa ka raqs bhi hai,

Aaj phool bhi nikhre nikhre hain,
Aaj un main tumhara aks bhi hai,

In barishon se

In barishon se adab-e-mohobbat seekho faraz,
Agar yeh ruth bhi jayein to barasti bohot hain.

Show More Barish Shayari





Shayari Categories