»
»
»
Gham ki baarish ne bhi

Gham ki baarish ne bhi

Gham ki baarish ne bhi tere naqsh ko dhoya nahi,
Tu ne mujh ko kho diya, main ne tujhe khoya nahi.

Neend ka halka gulaabi sa khumaar ankhon mein tha,
Yun laga jaise woh shab ko der tak soya nahi tha.

Har taraf deewar-o-dar aur un mein ankhon ke hujoom,
Keh sake jo dil ki halat woh lab giya nahi.

Jurm ADAM ne kiya aur nasal e adam ko saza,
Kaat-ta hoon zindagi bhar main ne jo boya nahi.

Janta hoon ek aise shakhs ko main bhi *MUNIR*
Gham se patthar hogeya lekin kabhi roya nahi.




More Barish Shayari

Yeh barishein bhi tum si hain

Yeh barishein bhi tum si hain,
Jo baras gayi to bahar hain,
Jo thehar gayi to qarar hain,
Kabhie aa gayi yun hi besabab,
Kabhie chha gayi yun hi Roz o Shab
Kabhie shor hain, Kabhie chup si hain,
Kissi Yaad mayn kissi Raat ko,
Yeh barishein bhi tum si hain,

Ek dabi hui si raakh ko,
Kabhie yun huwa ka bujha dia,
Kabhie khud se khud ko jala dia,
Kahin boond boond mein gum si hain.

Yeh barishein bhi tum si hain,

Dard ki baarish

Dard ki baarish sahi maddham zara aahista chal,
Dil ki mitti hai abhi tak nam zara aahista chal.

Tere milane aur phir tere bichhar jaane ke beech,
Fasla rusvaai kaa hai kam zara aahista chal.

Apane dil hi mein nahin hai us ki maharumi ki yaad,
Us ki aankhon mein bhi hai shabnam zara aahista chal.

Koi bhi ho ham-safar 'Rashid' na ho khush is qadar,
Ab ke logon mein vafa hai kam zara aahista chal.

Kisi roz barish mein

Kisi roz barish mein ghar se nikalna,
Khizaan mein gire tute patton pe chalna,
Tapakne lage jab darakhton se pani,
Tumhein yaad ayegi beeti kahani,
Ke jab hum kisi shaam tum se mile the,
Mohabbat ke raston pe hum tum chale the,
Teri neeli aankhon mein rang-e-wafa tha,
Kanwal jheel mein jaise khilne laga tha,
Woh sadiyon ke kisse wo batein purani,
Karein yaad kyon kar woh beeti kahani,
Chita kaghzon ki hai kya khojte ho,
Bujhi raakh mein ab kise dhoondhte ho,
Gagan pe jo chhapai thi kis ne mita di,
Dhanak saat ranghon ki kis ne udaa di,
Mohabbat ki shama jala di bujha di,
Ajab ek kahani hai rang-e-wafa ki.

Show More Barish Shayari





Shayari Categories