Us ne bhi

Us ne bhi loot ke aane mein ek umar ganwa di,
Jis ko sau baar kaha shaam na hone dena,




More Sad Shayari

Mere waham-o-guman se

Mere waham-o-guman se bhi zyada toot jata hai.
Ye dil apni hadon mein reh kar itna toot jata hai.

Main rouoon to dar-o-dewar mujh pe hasne lagte hain.
Hansoon to mere andar jane kya kya toot jata hai.

Main jis lamhe ki khawahish mein safar karta hoon sadyon se.
Kahin paon tale aa kar woh lamha toot jata hai.

Mere khwabon ki basti se janaze uthte jate hain.
Meri aankhein jise chhu lein woh sapna toot jata hai.

Na jane kitni muddat se hai dil mein ye amal jari,
Zara si tthes lagti hai zara sa toot jata hai,

Dil-e-nadan hamari to namo hi na mukammal thi,
To hairat kya jo bante hi irada toot jata hai,

Muqaddar mein mere sagar shikast-o-rekhat itni hai,
Mein jis ko apna keh doon woh sitara toot jata hai.

Woh aaj ki mehfil mein

Woh aaj ki mehfil mein,
Humko bhi na pehchana,
Kya soch liya dil ne,
Kyun ho gaya begana,
Haan aye dil dewana,
Haan aye dil deewana,

Woh aap bhi aate the,
Humko bhi bulate the,
Kis chah se milte the,
Kya pyar jatate the,
Kal tak haqeeqat thi,
Woh aaj hai afsana,
Haan aye dil dewana,
Haan aye dil deewana,

Ab khatam hua kissa,
Ab zikar na ho uska,
Woh shakhs wafa dushman,
Ab apna hua dushman,
Ab us se nahin milna,
Ghar uske nahin jana,
Haan aye dil dewana,
Haan aye dil deewana,

Haan kal se naa jayenge,
Par aaj to ho ayein,
Raat ke dariya mein,
Mehtab dubo ayein,
Usko pa nahin sakte,
Apne ko hi kho aayein,
Tu baaz na aayega,
Mushkil tujhe samjhana,
Woh tera kehna tha,
Yeh bhi tera farmana,
Chal aye dil deewana,
Chal aye dil deewana.

Kisi ki yad dil me hai

Kisi ki yad dil me hai,
Koi ehsas baki hai,
Badalte mausamon ke darmiyan
Ek raz baki hai,
Abi to main safar me hoon,
Milengi manzilein mujhko,
Magar in raston ke beech,
Kisi ka sath baki hai,
Kahin par sham dhalti hai,
Kahin par raat hoti hai,
Abi to chandni hai,
Aur chand ki rat baki hai,
Chale aao kisi din tum,
Hamara haal bhi dekho,
Hamara jism murda hai,
Magar ek saans baki hai,
Ummeed hai hamein phir bhi,
Milega woh hamein ek din,
Khuda par hai bharosa,
Abi KHUDA ki zaat baki hai.

Show More Sad Shayari






Shayari Categories