»
»
»
Din beet jate hain

Din beet jate hain

Din beet jate hain suhani yadein ban kar,
Baatein reh jati hain kahani ban kar,
Par pyar to hamesha dil ke kareeb rahega,
Kabhi muskan to kabhi aankhon mein pani ban kar.




More Sad Shayari

Duniya Mein

Duniya mein jeene ki chahat na hoti,
Agar khuda ne mohabbat banai na hoti,
Log marne ki aarzoo na karte agar,
Mohabbat mein bewafai na hoti.

Aisa hi hota hai...

Aisa hi hota hai...
Ki jisko jitna sambhalo...
Utna hi door chala woh jata hai !

Yakeen na aaye ek baargi,
Lekin aisa wakya bhi hota hai,
Rota hai koi tootkar tanhai mein,
Phir bhi duniya mein woh hasta hai.

Lagta hai jaise mitai thi hasti,
Sab jaise ab hara hua sa lagta hai,
Jaane kitne wade liye-diye,
Chhootne pe sab bojhil sa dikhta hai.

Aisa hi hota hai...
Ki jisko jitna sambhalo...
Utna hi door chala woh jata hai !

De jata hai sirf kuchh ehsaas,
Phir sab kuchh pehle sa hota hai,
Karta hai kuchh shikwa-shikayat,
Dil, lekin phir se shamil duniya hota hai.

Naa thamegi uski zindagi,
Naa yahan kuchh rukta sa dikhta hai,
Maloom hai tum sambhal jaaoge,
Dard to sirf khone ka ik shayar ko milta hai !

Hum Tanha Kyon Hain

Aao kuchh baat karein, hum tanha kyon hain?
Aao kuchh dil ki kahein, hum tanha kyon hain?
Koi bas itna bata de, hum tanha kyon hain?
koi to mujhko sadaa de, hum tanha kyon hain?

Roz milti hai mujhe yeh koi ajnabi jaise,
Roothi hui hai mujhse meri parchhai aise,
Koi sameto zara, koi to bula do isko,
Mujhko thodi bahut pehchaan kara do isko.

Aao hath thaamo mera, hum tanha kyon hain?
Dil ki dhadkan ka shor kabhi sunta nahi,
Khwaab bhi aankhon mein ab koi palta nahi,
Aaina hai magar ismein kuchh nazar aata nahi
Khaali ghar ka khaalipan kuchh bhaata nahi,
Mujhko khud se mulakaat karaa de aye khuda,
Koi to mujhko dua de, hum tanha kyon hain?

Show More Sad Shayari





Shayari Categories