»
»
»
Tum agar yaad rakhoge to

Tum agar yaad rakhoge to

Tum agar yaad rakhoge to inayat hogi,
Warna hum ko kahan tum se shikayat hogi,
Ye to bewafa logon ki duniya hai,
Tum agar bhool bhi jao to riwayat hogi.




More Sad Shayari

Chhor Diya

Saza pe chhor diya,
Jaza pe chhor diya,
Har ek kaam ko hamne,
Khuda pe chhor diya.

Woh hum ko yaad rakhte,
Ya phir bhula dete,
Us ka kaam tha,
Uski raza pe chhor diya.

Ab hawa ki marzi bujha de,
Ya phir jalaaye rakhe,
Chiragh hum ne jala ke,
Hawa pe chhor diya.

Ab us se baat bhi,
Karte to kis tarha karte,
Ye masla anaa ka tha,
Anaa pe chhor diya.

Is liye to wo kehete hain,
Bewafa humko,
Ki hum ne sara zamana,
Wafa pe chhor diya.

Juda hone ke mausam mein

Juda hone ke mausam mein juda hona zaruri tha,
Na jane kyun kisi ka bewfa hona zaruri tha.

Mere dil ne jo is ko poojane ki inteha kar di,
To phir us bewafa ka bhi khuda hona zaruri tha.

Kisi se koi bhi shikwa na koi bhi shikayat hai,
Jo mere sath chahat mein hua, hona zaruri tha.

Bahut nazdeek the dil is liye ab dooriyan bhi hain,
Dilon ke darmiyan kuchh fasla hona zarori tha.

Use bhi dard dene ka bahut hi shauk tha mujhe,
Hamein bhi Dard-o-Gham se aashna hona zarori tha.

Zindagi roz naye rang mein

Zindagi roz naye rang mein dhal jaati hai,
Kabhi dushman to kabhi dost nazar aati hai,
Kabhi chha jaye, baras jaaye, ghata bemausam,
Kabhi ek boond ko bhi rooh taras jaati hai.

Show More Sad Shayari





Shayari Categories