»
»
»
Duniya ko jiski chand

Duniya ko jiski chand

Duniya ko jiski chand si soorat se pyar hai,
Mujhko to uski soch ki shiddat se pyar hai.

Uski mohabbaton ki nahi shart ya talab,
Warna to har kisi ko zarurat se pyar hai.

Aye kash zindagi tere khuwabon mein kaat-ta,
Main kya karoon ke mujhko haqeeqat se pyar hai.

Barh kar kisi ke husn-e-ada rang-o-roop se,
Humko kisi ke tarz-e-muhabbat se pyar hai.




More Romantic Shayari

Wo pyar ka pehla sabak

Wo pyar ka pehla sabak tha aur akhiri bhi,
Meri zindagi mein aaya bhi tha aur nahi bhi,
Aadin us ki saadagi mein nazakat thi aur kashish bhi,
Uski hansi sunti thi subah aur jagta tha main bhi,
Yun to na shikayat thi khuda se na ibadat bhi,
Uthakar hath dua mein use mangta tha main bhi.

Shaam ho koi aisi

Shaam ho koi aisi lab par tera naam na aaye,
Khwahish hai zindagi mein aisi koi shaam na aaye.
Kayamat tak ruswai-e-mohbbaat nahi hai mumkin,
Ghazal mukarrar ho aur tera khayal na aaye.
Har shab mangte hain khuda se aise to bahut kuchh,
Woh dua na mukammal ho jo tere kaam na aaye.
Tujh se judai mumkin hai kayamat ke waqt bus,
Ganwara nahi hai wo maut jo tere saath na aaye.

Apni hasti bhool gaya main

Apni hasti bhool gaya main teri shokh adaaon mein,
Ek sawali ulajh gaya ho jaise laakh khudaaon mein,
Tu bhi hai insan, khatayein tujh se bhi mumkin hain,
Mujh ko bhi shamil kar le maasoom khataaon mein,
Husn Ishq ke dariyaaon mein tair ke jana mushkil hai,
Har jumbish tufan chhupe in gehre dariyaaon mein.

Show More Romantic Shayari





Shayari Categories