»
»
»
Teri aankhon mein

Teri aankhon mein

Teri aankhon mein nazar aayi hai woh jannat mujhe,
Meri jannat teri aankhon ke siwa kahin nahi.
Chahata hoon behena in aankhon ke meikhaane mein,
Jo nasha hai teri aankhon mein woh sharab mein bhi nahi.
Tere in gulabi labon pe dil mera bhi aaya hai,
Nazakat aur khusbu aisi to gulab mein bhi nahi.
Bheegi barsaat mein yun tera mujhe dekhna,
Jo kashish hai in nigahon mein baadalon mein bhi nahi.
Tadpaane aur tarsaane ki yeh ada kahan se seekhi tumne,
Ye teri jo hai shokhiyan woh to chand mein bhi nahi.




More Romantic Shayari

Choom loongi teri aankhon ko

Choom loongi teri aankhon ko chupke se,
Tere saare sapne apne bana loongi.
Tere labon pe hai jo an-kahi batein,
Unhein apne labon se aaj chura loongi.
Kho jayega jab tu meri zulfon tale,
Ek meheka sa saawan barsa doongi.
Teri tez hoti in saanson mein sanam,
Main apni saanson ki sargam mila doongi.
Kar doongi tere kaano mein kuchh aisi sargoshiyan,
Tere dil ki dhadkano ko main aaj badha doongi.
Kass lega jab tu apni baahon ke ghere mein,
Apne daaman se main bhi tujhko lipta loongi.

Mere jame huye ehsaas

Mere jame huye ehsaas ki barf si pighalne lagi,
Aaj main tere baahon mein aake ek shama si jalne lagi.
Teri pyar bhari nigahon ne mera sara dard pee liya,
Main aaj ek naye armano ke jazbat se mehekne lagi.
Chhu liya jab tune mere badan ko garm saanso se,
Mere dil mein tujhe pane ki chahat si jagne lagi.
Chandni bhi aaj lehek ke chand ke daaman se lipat gayi,
Mere labon ki pyaas aaj tere labon ke saaye mein pighalne lagi.
Ho gaya poora har armaan meri chahat ka,
Meri rooh bhi toot ke tujhe pyar karne ko machalne lagi.
Khamosh ho gaya yeh dekh ke saara sama,
Meri preet jo tere aagosh mein simatne lagi.

Ishq Hai

Tanhaiyon mein muskurana ishq hai,
Ek baat ko sab se chhupana ishq hai,
Yun to neend nahi aati hamein raat bhar,
Magar sote sote jagna or jagte jagte sona ishq hai.

Show More Romantic Shayari





Shayari Categories