»
»
»
Bahoot Woh ho Tum

Bahoot Woh ho Tum

Bahoot woh ho tum, bahoot humko satate ho,
Karte ho sabse baatein aur humko dosh dete ho.

Kehte ho hum tum par har waqt shaq karte rehte hain,
Ye to pyaar hai tumara, jisko kho dene se darte hain.

Duniya ki fikar hai tumko, hamare liye waqt nahi,
Auron ki baatein kar, kyun humara dil jalate rehte ho.

Kyun nahi samajte ho, ye ek ladki ke jazbaat hain,
Jo duniya ki rasmo kasmo se be-fikar raha karte hai.

Nahi khona chahte hain hum tumko kisi bhi keemat par,
Aur tum ho ki hamesha hamesha humko tadpaate ho.

Ho jaoongi jis din sach mein khafa fir manate rehna,
Fir ye na kehna, hum sirf tum par marte hain.




More Romantic Shayari

So jaoon kuchh pal

So jaoon kuchh pal tumare seene se lag kar,
Aaj najane ye dil kyun ghabra raha hai,
Kar raha hai ye chaand sitaaron se baatein,
Aur dhadkano ko najane kyun badha raha hai.

Shayad sama jana chahta hai teri bahon mein,
Har khushi aur ghum ko bhula dena chahta hai,
Duniya ki nazron se chhupte chhupate aaj ye,
Dil sirf tere dil pe panaah lena chahta hai.

Teri dhadkan ko apni dhadkan bana kar ye,
Teri saanso ko agosh mein bharna chahta hai,
Lipat kar tere seene se aaj mera tan mann,
Teri pyaar ki agan mein kho jana chahta hai.

Bhoolana chahti hoon mein sab kuchh tere siwa,
Ye mausam bhi dekho tujhme samaana chahta hai
Dekho kaise ye mujhe chhed raha hai har pal,
Ye mujhe aaj tere kareeb lana chahata hai.

So jaoon kuchh pal tumare seene se lag kar,
Aaj najane ye dil kyun ghabra raha hai,
Kar raha hai ye chaand sitaaron se baatein,
Aur dhadkano ko najane kyun badha raha hai.

Jab hawayein mujhe chhu kar

Na jane kyun jab ye hawayein mujhe chhu kar,
Guzarti hain dil pe ek dastak si de jaati hain,
Shayad isharon mein kehti hain tum aane wale ho,
Ya fir yun hi mujhe behla kar chali jaati hain.

Bas teri rahungi sada

Agosh mein panaah de,
Chahe tho meri jaan le,
Par hoon main teri sada,
Bas teri rahungi sada.


Dil se tere dil tak,
Ka faasla ye kab talak,
Na reh paaoongi tujse juda,
Bas teri rahungi sada.

Hai yeh meri dastaan,
Chahti hoon tujhe jaanejaan,
Ke tu hi meri ada,
Bas teri rahungi sada.


Aa mujhe chhoo le,
Mere labon ko choomle,
Dhadkan ki yehi hai sada,
Bas teri rahungi sada.

Teri baahon mein hi mera basera,
Teri aankhon mein hi mera savera,
Hai tujhse mera yeh waada,
Bas teri rahungi sada.

Na dekh nazron ke teer se,
Dekhle ye dil cheer ke,
Has tasavvur bas tera,
Main teri rahungi sada.

Teri ungliyon se sehla de,
Ek baar tu khudse mila de,
Tu hi hai ishq mera,
Bas teri rahungi sada.

Agosh mein panaah de,
Chahe tho meri jaan le,
Par hoon main teri sada,
Bas teri rahungi sada.

Show More Romantic Shayari





Shayari Categories