Pass To Hai

Thodi hi sahi magar ek yaad to hai,
Kuchh na sahi magar koi baat to hai,
Na soch kar bhi kisi ko hum sochte hain,
Nigaho se door hi sahi koi dil ke pass to hai.




More Romantic Shayari

Tumari Ankhein

Tumhari ankhon mein chhupa hai ek raaz,
Jo mujhe tumhari oar kheench lata hai.

Band kar leta hai un komal palkon se,
Aur mujhe zindagi ke rang dikhlata hai.

Le jata hai mujhe us door asmaan mein,
Jahan mera dil ankaha sukoon pata hai.

Ek jaadu hai teri in ankho mein sanam,
Jo har pal masoom khawab dikhata hai.

Sharma jati hain meri aankhein unse takra,
Jo mere man ki muraad puri kar jata hai.

Bahoot Woh ho Tum

Bahoot woh ho tum, bahoot humko satate ho,
Karte ho sabse baatein aur humko dosh dete ho.

Kehte ho hum tum par har waqt shaq karte rehte hain,
Ye to pyaar hai tumara, jisko kho dene se darte hain.

Duniya ki fikar hai tumko, hamare liye waqt nahi,
Auron ki baatein kar, kyun humara dil jalate rehte ho.

Kyun nahi samajte ho, ye ek ladki ke jazbaat hain,
Jo duniya ki rasmo kasmo se be-fikar raha karte hai.

Nahi khona chahte hain hum tumko kisi bhi keemat par,
Aur tum ho ki hamesha hamesha humko tadpaate ho.

Ho jaoongi jis din sach mein khafa fir manate rehna,
Fir ye na kehna, hum sirf tum par marte hain.

So jaoon kuchh pal

So jaoon kuchh pal tumare seene se lag kar,
Aaj najane ye dil kyun ghabra raha hai,
Kar raha hai ye chaand sitaaron se baatein,
Aur dhadkano ko najane kyun badha raha hai.

Shayad sama jana chahta hai teri bahon mein,
Har khushi aur ghum ko bhula dena chahta hai,
Duniya ki nazron se chhupte chhupate aaj ye,
Dil sirf tere dil pe panaah lena chahta hai.

Teri dhadkan ko apni dhadkan bana kar ye,
Teri saanso ko agosh mein bharna chahta hai,
Lipat kar tere seene se aaj mera tan mann,
Teri pyaar ki agan mein kho jana chahta hai.

Bhoolana chahti hoon mein sab kuchh tere siwa,
Ye mausam bhi dekho tujhme samaana chahta hai
Dekho kaise ye mujhe chhed raha hai har pal,
Ye mujhe aaj tere kareeb lana chahata hai.

So jaoon kuchh pal tumare seene se lag kar,
Aaj najane ye dil kyun ghabra raha hai,
Kar raha hai ye chaand sitaaron se baatein,
Aur dhadkano ko najane kyun badha raha hai.

Show More Romantic Shayari






Shayari Categories