»
»
»
Wajood apna na rooh apni

Wajood apna na rooh apni

Wajood apna na rooh apni,
Ik tamasha ye zeest thehri,

Na dil lagi mein sakoon paya,
Na aashqi mein qarar paya,

Na wasl lamhe hi raas aaye,
Na firaq hi hum guzar paye,

Ajeeb chahat ke marhale hain,
Na jeet paye na haar paye,

Na teri yadoon ki dhundh utri,
Na dil ke daman ko jhaar paye,

Na ankhein khawab ko dhoondh paayin,
Na khwab ankhon ko dhund paye.

IK tmasha ye zeest thehri...!!!




More Sad Shayari

Jab log juda ho jate hain

Jab log juda ho jate hain,
Sab ehad hawa ho jate hain.

Jab neeyat theek na ho apni,
Sab amal gunaah ho jate hain.

Jab tere baare mein sochein,
Sab lafz dua ho jate hain.

Jab ghurbat dar pe dastak de,
Sab yaar khafa ho jate hain.

Jab waqt dikhata hai ankhein,
Sultan bhi gada ho jate hain.

Tu jab bhi mere sath na ho,
Tyohar saza ho jate hain.

Jab nafrat lafzon mein utre,
Tab apne juda ho jate hain.

Khushiyon Ki Aarzoo Mein

Khushiyon ki aarzoo mein mukaddar so gaye
Aandhi aisi chali ki apne bhi kho gaye,
Kya khoob tha unka andaz-e-mohabbat,
Pyar dene aaye the aur palkein bhigo gaye.

Tujhe Chaahna Meri Bhool Thi

Mujhe maaf kar mere humsafar tujhe chaahna meri bhool thi
Kisi raah par yun hi ek nazar tujhe dekhna meri bhool thi.

Kabhi raat se, kabhi shaam se, kabhi apne dil ke awaaz se
Kabhi maalik-e-jahaan se tujhe maangna meri bhool thi

Tanha tanha raat bhar tujhe sochta hi raha magar,
Na samajh saka yeh dil mera, yun tadapna meri bhool thi.

Teri yaad aayi to ro diya, tujhe paa liya tujhe kho diya,
Mujhe dukh bas itna hua, yun sisakna meri bhool thi.
Mujhe maaf kar mere humsafar tujhe chaahna meri bhool thi

Show More Sad Shayari





Shayari Categories