»
»
»
Jee uska bhi bhar aaya

Jee uska bhi bhar aaya

Jee uska bhi bhar aaya rula kar mujhko,
Thanda na raha khud bhi jala kar mujhko.
Khud milgaya khaak mein mila kar mujhko,
Kya fateh hui, shikast paa ker mujhko.




More Sad Shayari

Use to kho hi chuke

Use to kho hi chuke phir khyal kya uska,
Ye fikr kaisi ke ab hoga haal kya uska.

Wo ek shakhs jise khud hi chor baithe the,
Ghulaye deta hai dil ko malal kya uska.

Tumhari aankhon mein chhalkein nidamtain kaise,
Jawab ban ne laga hai sawal kya uska.

Tumhare apne iradon mein koi jhol tha,
Kaho ke milna tha aisa muhaal kya uska.

Wo nafraton ke bhanwar mein bhi muskura ke mila,
Ab is se badh ke bhala ho kamal kya uska.

Ab is tarha bhi na yadon ki kirchiyan chuniye,
Na tha firaq se behtar visal kya uska.

Ye soch kar na mile phir us se kabi,
Ke jaane hoga nidamat se haal kya uska.

Kam hoti jaati hai

Tabiyat in dinon begana-e-gham hoti jaati hai,
Mere hisse ki goya har khushi kam hoti jaati hai.

Wohi hai shahid-o-saaqi, magar dil bujhtaa jaata hai,
Wohi hai shammaa lekin roshani kam hoti jaati hai.

Qayamat kya ye aye husne do aalam hoti jaati hai,
Ke mahafil to wahi hai, dilkashi kam hoti jaati hai.

Wohi maikhana-o-sahabaa, wohi saagar wohi sheesha,
Magar aavaz-e-noshaano se maddham hoti jaati hai.

Wohi hai zindagi lekin 'Jigar' ye haal hai apanaa,
Ke jaise zindagi se zindagi kam hoti jaati hai.

Kahan tak jaati

Dasht-e-dariya ke ye us paar kahan tak jaati?
Ghar ki deewar thi, deewar kahan tak jaati?

Mit gai hasrat-e-deedar bhi rafta rafta,
Hijr mein ye husrat-e-deedar kahan tak jaati?

Thak gaye honth bhi tera naam lete lete,
Ek hi lafz ki ye tukraar kahan tak jaati?

Tu bohat door bohat door gaya tha mujhse,
Meri aawaz mere yaar kahan tak jaati?

Har taraf husn ke baazar lage the,
Meri ye chashm-e-khareedar kahan tak jaati?

Show More Sad Shayari





Shayari Categories