»
»
»
Hamne der se jaana

Hamne der se jaana

Dukhon se rabt gehra tha, yeh hamne der se jaana,
Khushi ka zard chehra tha, yeh hamne der se jaana.
Zamane se bahut bach kar tumhein milne jahan pahunche,
Wahan qismat ka pehra tha, yeh hamne der se jaana.




More Sad Shayari

Jee uska bhi bhar aaya

Jee uska bhi bhar aaya rula kar mujhko,
Thanda na raha khud bhi jala kar mujhko.
Khud milgaya khaak mein mila kar mujhko,
Kya fateh hui, shikast paa ker mujhko.

Use to kho hi chuke

Use to kho hi chuke phir khyal kya uska,
Ye fikr kaisi ke ab hoga haal kya uska.

Wo ek shakhs jise khud hi chor baithe the,
Ghulaye deta hai dil ko malal kya uska.

Tumhari aankhon mein chhalkein nidamtain kaise,
Jawab ban ne laga hai sawal kya uska.

Tumhare apne iradon mein koi jhol tha,
Kaho ke milna tha aisa muhaal kya uska.

Wo nafraton ke bhanwar mein bhi muskura ke mila,
Ab is se badh ke bhala ho kamal kya uska.

Ab is tarha bhi na yadon ki kirchiyan chuniye,
Na tha firaq se behtar visal kya uska.

Ye soch kar na mile phir us se kabi,
Ke jaane hoga nidamat se haal kya uska.

Kam hoti jaati hai

Tabiyat in dinon begana-e-gham hoti jaati hai,
Mere hisse ki goya har khushi kam hoti jaati hai.

Wohi hai shahid-o-saaqi, magar dil bujhtaa jaata hai,
Wohi hai shammaa lekin roshani kam hoti jaati hai.

Qayamat kya ye aye husne do aalam hoti jaati hai,
Ke mahafil to wahi hai, dilkashi kam hoti jaati hai.

Wohi maikhana-o-sahabaa, wohi saagar wohi sheesha,
Magar aavaz-e-noshaano se maddham hoti jaati hai.

Wohi hai zindagi lekin 'Jigar' ye haal hai apanaa,
Ke jaise zindagi se zindagi kam hoti jaati hai.

Show More Sad Shayari






Shayari Categories