»
»
»
Aankhon mein baaki reh gaye

Aankhon mein baaki reh gaye

Aankhon mein baaki reh gaye, ab tere khad-o-khaal se,
Lab pe hain kuchh sawal se, dil men hain kuch malaal se.

Tu jo gaya to yun laga, tanha hoon kainaat main,
Raatein thaki thaki meri, din bhi mere nidhaal se.

Itne kareeb hoon tere, rasta na wehem ko mile,
Soun tere hisaar mein, jagoon tere jamal se.

Mujh ko hain kaam aur bhi, kuch to karo mera khayal,
Aate ho jab khayal mein, jate nahi khayal se.

Tujh si haseen ghazal koi, mujh sa ghazal sara koi,
Duniya mein ho agar kaheen, waazeh karo misaal se.

Uss se gila aye dosto, itna sa hai ke wo mujhe,
Samjha nahi hai aaj tak, ghaafil hai mere haal se.




More Sad Shayari

Hamne der se jaana

Dukhon se rabt gehra tha, yeh hamne der se jaana,
Khushi ka zard chehra tha, yeh hamne der se jaana.
Zamane se bahut bach kar tumhein milne jahan pahunche,
Wahan qismat ka pehra tha, yeh hamne der se jaana.

Jee uska bhi bhar aaya

Jee uska bhi bhar aaya rula kar mujhko,
Thanda na raha khud bhi jala kar mujhko.
Khud milgaya khaak mein mila kar mujhko,
Kya fateh hui, shikast paa ker mujhko.

Use to kho hi chuke

Use to kho hi chuke phir khyal kya uska,
Ye fikr kaisi ke ab hoga haal kya uska.

Wo ek shakhs jise khud hi chor baithe the,
Ghulaye deta hai dil ko malal kya uska.

Tumhari aankhon mein chhalkein nidamtain kaise,
Jawab ban ne laga hai sawal kya uska.

Tumhare apne iradon mein koi jhol tha,
Kaho ke milna tha aisa muhaal kya uska.

Wo nafraton ke bhanwar mein bhi muskura ke mila,
Ab is se badh ke bhala ho kamal kya uska.

Ab is tarha bhi na yadon ki kirchiyan chuniye,
Na tha firaq se behtar visal kya uska.

Ye soch kar na mile phir us se kabi,
Ke jaane hoga nidamat se haal kya uska.

Show More Sad Shayari





Shayari Categories