Best Wishes Jokes SMS Jokes Funny Pictures Shayari Interesting Facts

Hindi Shayari

Hindi Shayari

Hindi Shayari of this site is a beautiful concept to share the thought about Shayari. So don't waste your cute thoughts and hindi shayari but share them with us so that world can see your thinking and truly in your way. We provide a platform where you can share your shayari with world and we encourage all types of hindi poetry like Hindi SMS Shayari, Original Hindi Shayari. So, what are you waiting for, Just start posting your Hindi Shayari. If you like any Hindi Shayari you can send it to your friends. Also don't forget to rate these Hindi Shayari.

Advertisements



Sab Bik Jata Hai Sab Bik Jata Hai
Koi topi to koi apni pagdi bech deta hai,
Mile agar bhaav achcha, judge bhi kursi bech deta hai,

Tawayaf phir bhi achchi ke woh simiti hai kothe tak,
Police wala to chaurahe par wardi bech deta hai,

Jalaa di jaati hai sasural mei aksar wohi beti,
Ki jis beti ki khatir baap kidni bech deta hai.

Koi masoom ladki pyar mein kurban hai jis par,
Banakar video uska woh premi bech deta hai.

Yeh kalyug hai koi bhi cheez na-mumkin nahi ismein,
Kali, phal-phool, ped-paudhe sab maali bech deta hai.

Kisi ne mohabbat mein "Dil hara hai" to kyun hairat hai logon ko,
Yudhishthir to juyein mein apni patni bech deta hai.
Facebook Comment    Facebook Share
Armaan Bahut Hain Armaan Bahut Hain
Khushiyan kam aur armaan bahut hain,
Jise bhi dekhiye yahan hairan bahut hai,

Kareeb se dekha to hai rait ka ghar,
Door se magar shan bahut hai,

Kehte hain sach ka koi saani nahi,
Aaj to jhooth ki aan-baan bahut hai,

Mushkil se milta hai shehar mein aadmi,
Yun to kehne ko insan bahut hain,

Tum shauk se chalo raah-e-wafaa lekin
Zara sambhal ke chalna tufaan bahut hain,

Waqt pe na pehchane koi yeh alag baat,
Waise to shehar mein apni pehchane bahut hai.
Facebook Comment    Facebook Share
Woh Nadaan Bachpan Woh Nadaan Bachpan
Kagaz ki kashti thi nadi ka kinara tha
Khelne ki masti thi dil yeh awara tha
Kahan aa gaye is samajhdaari ki daldal mein
Woh nadaan bachpan bhi kitna pyara tha!!
Facebook Comment    Facebook Share
Ek Gareeb Ki Beti Ek Gareeb Ki Beti
Roz marti hai, roz jeeti hai,
Hazaaron jaam dukh ke peeti hai,
Khudi mein khud simat-ti jaati hai... ek gareeb ki beti.

Ghar bhi rota hai, dar bhi rota hai,
Zameen-o-aasman rota hai,
Jab bhi muskura ke chalti hai... ek gareeb ki beti.

Jab se paida hui hai roti hai,
Bhookh mit-ti nahi gham khaati hai,
Dukh apne nahi bataati hai.. ek gareeb ki beti.

Dekhti doliyan uth-ti hui jharokhon se,
Kab aaoge tum kehti hai yeh kahaaron se,
Chupke chupke se ashq bahaati hai... ek gareeb ki beti.

Phate libaas ko see kar ke tan dhakti hai,
Na to jeeti hai aur na marti hai,
Na jaane kis liye sanwarti hai... ek gareeb ki beti.

Tarasti rehti hai woh ek laal jode ko,
KOi to aaye uske liye byaahne ko,
Isi ummeed mein too-ti bikharti hai... ek gareeb ki beti.

Leti haathon ka takiya karke,
So gayi chaand se batiya karke,
Subah hoti nahi dukh sehti hai... ek gareeb ki beti.

Hazaaron bar raunda hai hawas ne,
Hazaron thes pahunchi hai baras mein,
Kaise keh dein ke ab kunwari hai... ek gareeb ki beti.

Aisa jeena bhi kaisa jeena hai,
Pal pal ke jismein marna hai,
Maut aaja tujhe bulaati hain... ek gareeb ki beti.

Bahaane dhoondhti hai jeene ke,
Sahaare dhoondhti hai marne ke,
Dekho dekho ke aise jeeti hai... ek gareeb ki beti.

Phaansi khaaye ke ab zehar khaaye,
Koi bhi dekh le to mar jaaye,
Apne zakhmon ko jab dikhaati hai... ek gareeb ki beti.

JIsko milte rahe gauhar-e-gham
Zakhm aise mile hare har dum,
Dukhon se choor hoke marti hai... ek gareeb ki beti.
Facebook Comment    Facebook Share
Betiyaan Betiyaan
Ek aurat garbh se thi, pati ko jab pataa chala ki kokh mein beti hai to woh uska garbhpaat karwana chaahte hain. Dukhi hokar patni apne pati se kya kehti hai:-

Suno,
Na maaro is nanhi kali ko,
Woh khoob saara pyaar hum par lutaayegi,
Jitne bhi toote hain sapne, phir se woh sab sajaayegi.

Suno,
Na maaro is nanhi kali ko,
Jab jab ghar aaoge tumhein khoob hansaayegi,
Tum pyaar na karna beshak usko,
Woh apna pyaar lutaayegi.

Suno,
Na maaro is nanhi kali ko,
Har kaam ki chinta ek pal mein bhagaayegi,
Kismat ko dosh na do, woh apna ghar aangan mehkaayegi.

Yeh sab sun pati apni patni se kehta hai:-

Suno main bhi nahi maarna chaahta is nanhi kali ko,
Tum kya jaano pyaar nahi hai kya mujhko apni pari se,
Par darta hoon samaaj mein ho rahi roz roz ki darindagi se

Kya phir khud woh in sabse apni laaj bacha paayegi,
Kyun na maarun main is kali ko,
Woh baahar nochi jaayegi,
Main pyaar ise khoob doonga,
Par baahar kis kis se bachaaunga.

Jab uthegi har taraf se nazrein,
To khud ko rok na paaunga,
Kya tum apni nanhi pari ko is daur mein lana chahogi,

Jab tadpegi woh nazron ke aage
Kya woh sab seh paaogi
Kyon na maarun main apni nanhi pari ko,
Kya beeti hogi unpe jinhein mila hai aisa nazrana
Kya tum bhi apni pari ko aisi maut dilana chaahogi.

Yeh sun kar garbh se aawaz aati hai:-
Suno maa papa-
Main aapki beti hoon, meri bhi suno:-

Papa suno na, saath dena aap mera,
Majboot banana mere hausle ko,
Ghar Laxmi hai aapki beti,
Waqt padne par main bhi kaali ban jaaungi.

Papa suno,
Na maaro apni nanhi kali ko
Tum udaan dena mere har wajood ko
Main bhi Kalpana Chawla ki tarah oonchi udaan bhar jaaungi.

Papa suno,
Na maaro apni nanhi kali ko
Aap ban jaana meri chhatra-chhaya
Main Jhansi ki Rani ki tarah khud ki gairon se laaj bachaaungi

Pati (Pita) yeh sun kar
Maun ho gaya aur apne faisle par sharmindagi mehsoos karne laga aur kehta hai apni beti se:-

Main ab kaise tumse nazrein milaaunga,
Chal pada tha tera gala dabaane,
Ab kaise khud ko tere saamne laaunga,
Mujhe maaf karna meri beti,
Tujhe is duniya mein main samman se laaunga.

Vehshi hai yeh duniya to kya hua,
Tujhe main duniya ki sabse bahaadur beti banaaunga.
Meri is galti ki mujhe hai sharm,
Ghar ghar jaa kar sabka bhram mitaaunga,
Betiyan bojh nahi hoti
Ab saare samaaj mein alakh jagaaunga.
Facebook Comment    Facebook Share
Bachpan Waala Itvaar Bachpan Waala Itvaar
Jab lage paisa kamaane to samajh aaya
Shauk to maa-baap ke paison se poore hote the,
Apne paison se to sirf zarooratein poori hoti hain.
Ek ghadi khareed kar haath mein kya baandh li
Waqt peechhe hi pad gaya mere..!!
Socha tha ghar bana kar baithoonga sukoon se
Par ghar ki zarooraton ne musaafir hi bana dala.
Sukoon ki baat mat kar aye Ghalib
Bachpan waala "itvaar" ab nahi aata.
Facebook Comment    Facebook Share

        1     2     3     4     5     6     7     8     9       .  .  . 22     Next     Last
SHAYARI CATEGORIES
Shayari Home
Barish Shayari
Birthday Shayari
Bollywood Shayari
Dosti Shayari
Flirting Shayari
Funny Shayari
Hindi Shayari
Punjabi Shayari
Romantic Shayari
Sad Shayari
Sharab Shayari

SUBMIT SHAYARI



SUBSCRIBE SHAYARI





Contact Us   |   Privacy Policy